मुलांसाठी चेहरा उजळण्यासोबत हाडे होतील मजबूत!

बाळाच्या शारीरिक विकासामध्ये आहार अत्यंत महत्त्वाची भूमिका बजावतो. बाळाचा आहार जेवढा पौष्टिक असेल तेवढा बाळाचा विकास वेगाने होते आणि बाळ अधिक सुदृढ होते. तुम्हाला देखील माहित असेलच की बाळ 6 महिन्यापेक्षा कमी वयात इतर कोणताच ठोस पदार्थ खाऊ शकत नाही. कारण या वयामध्ये त्याची पचनशक्ती मजबूत झालेली नसते. अशावेळी बाळ केवळ आईच्याच दुधावर अवलंबून असते.

मात्र बाळ जेव्हा 6 महिने किंवा 1 वर्षाचे होते तेव्हा आपण त्याला ठोस आहार भारावू शकतो आणि हाच काळ अत्यंत महत्वाचा असतो. कारण या काळात बाळाच्या शरीरात जेवढे पोषक घटक जातील ते त्याच्या शारीरिक विकासासाठी चांगले असतात. आज आपण अशाच एका पौष्टिक पदार्थाबद्दल जाणून घेणार आहोत जो बाळाच्या हाडांना मजबुती देतो आणि बाळाचा रंग देखील उजळतो.

नारळ आणि तांदळाची प्युरी

नारळ आणि तांदळाची प्युरी बाळाला खूप पौष्टिकता देऊ शकते. सर्वप्रथम आपण हा पदर्थ तयार कसा करतात ते जाणून घेऊया. हा पदार्थ तयार करण्यासाठी दोन चमचे तांदूळ, दोन बदाम, नारळाचे 4-5 तुकडे, एक छोटा गुळाचा तुकडा आणि एक वेलची यांची गरज असते. हे सर्व साहित्य तुम्हाला घरामध्येच किंवा उपलब्ध नसेल तर बाजारात सहज मिळू शकते. तुम्ही जे साहित्य वापरत आहात ते चांगल्या गुणवत्तेचे असेल याची एकदा खात्री करून घ्या. जेणेकरून बाळाला त्यांच्या सेवनाने कोणताही धोका निर्माण होणार नाही.

कृती

साहित्य जाणून घेतले आता आपण कृती जाणून घेऊया. तांदूळ स्वच्छ पाण्याने धुवून 30 मिनिटांसाठी भिजायला ठेवा. आता बदाम सुद्धा पाण्यामध्ये 30 मिनिटांसाठी भिजायला ठेवा. नारळाच्या मागील करड्या रंगाचा भाग काढून टाका. नारळ पाण्याने स्वच्छ करा. बदामाची साल काढून घ्या आणि मिक्सर मध्ये तांदूळ, बदाम आणि नारळ टाका. नंतर त्यात गुळ, वेलची आणि थोडे पाणी टाकून वाटून घ्या. जी पेस्ट बनवली आहे ती गाळून घ्या. गाळणीमध्ये आलेल्या पेस्ट वर अर्धा ग्लास पाणी टाकून गाळून घ्या. गॅस वर एक पॅन ठेवा आणि त्यात तयार केलेला दूध घाला. यानंतर मंद आचेवर ते शिजायला ठेवा. जेव्हा मिश्रण जाडसर होईल तेव्हा गॅस बंद करून ते भांड्यात ओतून घ्या.

या पदार्थाचे फायदे

आता तुमच्याही मनात प्रश्न आला असेल की हा पदार्थ खाल्ल्याने बाळाच्या शरीराला नक्की काय फायदे होतील. तर यामध्ये व्हिटॅमिन सी असते जे बाळाची रोगप्रतिकारक शक्ती वाढवून विविध आजारांपासून बाळाला संरक्षण देते. यात कॉपर सुद्धा असते जे बाळाची त्वचा चमकदार बनवते आणि जास्त उजळवते. हा पदार्थ बाळाला बद्धकोष्ठतेपासून आराम मिळवून देतो आणि बाळाच्या शारीरिक विकासात महत्त्वपूर्ण योगदान देतो. म्हणूनच जाणकार सुद्धा बाळाला आवर्जून हा पदार्थ खाऊ घालण्याचा सल्ला देतात.

गुळाचे फायदे

या पदार्थामध्ये गुळाचा समावेश केला गेला आहे. गुळ केवळ या पदार्थाची चव गोडच करत नाही तर या पदार्थांनी पोषकता देखील वाढवतो. 10 ग्रॅम गुळ मध्ये 0.3 मिलीग्रॅम लोह असते हे बाळाला एनिमिया पासून वाचवते. गुळामध्ये फॉस्फरस आणि कॅल्शियम असते जे बाळाच्या हाडांना मजबूत करण्यासाठी गरजेचे असते. गुळ हे अँटीऑक्सिडेंट युक्त असते ज्यात कॅल्शियम, फॉस्फरस, मॅग्नेशियम, सिलेनीयम आणि झिंक सारखे खनिज पदार्थ असतात. यात व्हिटॅमिन बी4, बी5 आणि बी6 तसेच कोलीन असते. हे सर्व घटक मिळून बाळाची रोगप्रतिकारक शक्ती वाढवतात.

वेलचीचे फायदे

बाळाला बद्धकोष्ठता होणे ही एक सामान्य समस्या आहे आणि वेलची मध्ये मोठ्या प्रमाणात डायजेस्टीव्ह एंजाइम्‍स असतात जे अन्न पचवण्यास मदत करतात. वेलची मध्ये व्हिटॅमिन ए असते जे बाळाचे डोळे आणि केस यांना निरोगी राखतात. वेलची मध्ये पाचक एंजाइम्‍स असतात जे बाळाचे पचन तंत्र मजबूत करतात. यात असलेले एंटीऑक्‍सीडेंट लिव्हरला साफ करतात आणि लिव्हरला योग्य प्रकारे कार्य करण्यास मदत करतात. तर मंडळी आवर्जून आपल्या बाळाला हा पदार्थ खाऊ घाला आणि हे सर्व लाभ त्याला मिळवून द्या.