गळफास घेऊन शेतमजुराची आत्महत्या

माजलगाव प्रतिनिधी:- माजलगाव शहराजवळ एका शेतमजूराने, गळफास घेऊन, पहाटेच्या दरम्यान आपली जीवन यात्रा संपवल्याची धक्कादायक घटना समोर आली आहे.सदर घटनेने परिसरात हळहळ व्यक्त केली जात आहे.

बीड जिल्ह्यातील माजलगाव शहरापासून जवळच शेतात, आज सोमवारी पहाटेच्या  दरम्यान कॅनल जवळच्या एका शेतात शेतमजूर सुहास सुदाम काळे या 42 वर्षीय मजुराने झाडाला गळफास घेतला. यामध्ये दुर्दैवाने त्याचा मृत्यू झाला. सदर घटना त्याच्या पत्नीच्या निदर्शनास आली. तात्काळ तिने आरडाओरडा करत आक्रोश केला. यावेळी घटनास्थळी काही नागरिक यांची गर्दी जमली. यावेळी तात्काळ  सदर घटनेची माहिती पोलिसांना देण्यात आली. यावेळी घटनास्थळी पोलीस दाखल झाले. पोलिसांनी सदर घटनेचा पंचनामा करत, सदरील मृतदेहाला उत्तरीय तपासणीसाठी माजलगाव शासकीय रुग्णालयात पाठवण्यात आला. मात्र सदरील आत्महत्या कोणत्या कारणाने केली. हे अद्याप समजू शकले नाही. याचा पुढील तपास पोलीस करत आहेत.