उसाच्या शेतात आढळला मृत अवस्थेत बिबट्या

एका शेतकऱ्याच्या उसाच्या शेतामध्ये मृत अवस्थेत बिबट्या आढळून आल्याने, परिसरामध्ये खळबळ उडाली आहे. मात्र सदरील मयत बिबट्या हा किमान 24 तासाच्या आतच मयत झाला असल्याचे सांगण्यात आले.

बीड जिल्ह्यातील वडवणी तालुक्यातील चिखल बीड येथे शेतकरी बाबुराव तांदळे यांच्या शेतामध्ये, चिखल बीड गावापासून काही किलोमीटर अंतरावर उसाच्या शेतात , एक बिबट्या मयत अवस्थेत आढळून आला. तांदळे यांचे सालगडी शेतामध्ये दुर्गंधीयुक्त वास येत असल्याने, सर्व शेतात शोधून पाहिले असता, त्यास मयत अवस्थेत हा बिबट्या आढळला. मानवी रहदारीच्या शिवारात उसाच्या शेतात सदरील बिबट्या आढळल्याने, परिसरामध्ये खळबळ उडाली आहे. यावेळी तात्काळ शेतकऱ्यांनी वन विभागाशी संपर्क साधला आणि घटनास्थळी तात्काळ वन विभागाची टीम दाखल झाली व सदरील घटनेचा पंचनामा केला.