शितल आंधळकर यांची विद्युत अभियंता पदी निवड

बीड प्रतिनिधी :- पुणे महानगरपालिकेच्या वतीने नुकत्याच विद्युत अभियंता सह इतर पदासाठी घेण्यात आलेल्या परीक्षेमध्ये बीड येथील सेवानिवृत्त जेष्ठ नागरिक सोमनाथ आंधळकर यांची सुन शितल नटराजेश्वर आंधळकर (गुंजकर) यांनी घवघवीत यश संपादन करत त्यांची पुणे महानगरपालिकेच्या विद्युत अभियंता पदी निवड झाल्याचे नुकतेच जाहीर झाले आहे.

याबाबत सविस्तर वृत्त असे की, पुणे महानगरपालिकेच्या वतीने विद्युत अभियंता व इतर पदासाठी आयबीपीएस मार्फत घेण्यात आलेल्या परीक्षेच्या पात्र उमेदवारची यादी प्रसिद्ध करण्यात आली यामध्ये बीड येथील शितल नटराजेश्वर आंधळकर (गुंजकर) यांनी अत्यंत मेहनत घेऊन घवघवीत यश संपादन करत त्यांची विद्युत अभियंता या पदी निवड झाली आहे त्या बीड येथील सेवानिवृत्त जेष्ठ नागरिक सोमनाथ आंधळकर यांच्या सुनबाई आहेत त्यांना त्यांचे पती नटराजेश्वर आंधळकर यांनी मोलाचे सहकार्य केले त्यांनी संपादित केलेल्या यश बद्दल त्यांचे सर्व स्तरातून कौतुक होत आहे..