ट्रकचा भीषण अपघात ट्रक बाभळीच्या मोठ्या झाडाला धडकला

बीड प्रतिनिधी : धारूर आडस रस्त्यावर वाघोली जवळ ट्रकचा भीषण अपघात झाला असून, ट्रक रस्त्याच्या खाली उतरून बाभळीच्या झाडाला धडकला.यामध्ये चालक गंभीरित्या जखमी झाला असून,त्याला तात्काळ उपचारासाठी अंबाजोगाईच्या स्वरातील रुग्णालयात हलवण्यात आले. सदर घटना आज शनिवार दिनांक 13 जुलै रोजी दुपारी साडेतीन वाजता घडली आहे. हा अपघात एवढा भीषण होता की  सदर ट्रक समोर बाभळीच्या झाडाला धडकल्याने बाभळीचे झाड खाली मोडून पडले आहे. धारूर कडून अडस मार्गे अंबाजोगाई कडे जाताना महामार्गावर वाघोलीजवळ स्वतः चालक-मालक असणारे रफिक रहीम शेख त्यांचा ट्रक क्रमांक एम एच 34 बी जी ०४८० घेऊन अंबाजोगाई कडे जाताना रस्त्यावर वाघोली जवळ सदर ट्रक चालकाचा ताबा सुटला, आणि ट्रक महामार्गाच्या खाली उतरून शेतात असणाऱ्या बाभळीच्या झाडाला जाऊन धडकला. यामध्ये कोणतीही जीवितहानी नसून,मात्र ट्रकच्या समोरच्या भागाचे मोठे नुकसान झाले आहे. यावेळी तात्काळ त्या ठिकाणी प्रवासी व नागरिकांनी मोठी गर्दी केली. व  जखमी झालेल्या चालकाला सुरक्षित बाहेर काढले. आणि त्यास आडस येथे शासकीय रुग्णालयात प्राथमिक उपचार करून नंतर स्वराती रुग्णालय अंबाजोगाई येथे हलवले. अपघात एवढा भीषण होता की, ट्रकच्या धडकेने भले मोठे बाभळीचे झाड खाली पडले. याची माहिती पोलिसांना देताच घटनास्थळी पोलीस दाखल झाले होते.